قصة منى أخر البنات المحترمين مع أحمد

انهرده انا هأبدأ فى نشر قصه جميله اوووى بس اول حاجه انا حاب اوضح حاجه مش انا كاتب هذه القصه
القصه منقوله
بس قام باعدادها نور العين

[ندعوك للتسجيل في المنتدى أو التعريف بنفسك لمعاينة هذه الصورة]

مقدمة القصة

المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولسه في سنة ثالثة بالكلية.
مني ممدوح : فتاة في الثامنة عشر دلوعة والديها أخر العنقود بعد شابين أكبر منها سنا,وفي أول سنة لها بالجامعة,
فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , تقرب لمني من بعيد.
سارة: صديقة منى من الكلية فتاة محبوبة ومؤدبة

[ندعوك للتسجيل في المنتدى أو التعريف بنفسك لمعاينة هذه الصورة]

(الحلقه الأولي)
حديث يدور بين شابين بيدخنو في كافيتيريا الكلية وهو مكان كاشف بقية ساحة الكلية
احمد وهو يتلتفت بجسمه وعينيه ورا بنت ماشية أودامه وبينفث دخان سيجارته
احمد: الدفعة الجديدة دى شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح ده انت استقبلت دفعتنا والي قبلها والي بعدها
,وياتري بقا انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه.... اهي شيرين وصلت هخلع انا بقا عشان دي جايه وكمان معاها وحدة صحبتها.
احمد كان "هيخلع" مع كريم ولكنه شاف البنت اللي مع شيرين من الدفعة الجديدة ,
وشاف إن من واجبه كأقدم واحد بالكلية انه يستقبل الدفعة الجديدة التي طبعا كانت حلوة ورقيقة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


الحديث اللى بيدور بين شيرين ومنى
مني : انا خايفة يا شيري اني ميبقاليش صحاب في الكلية.
شيرين : اهي دي بقا أخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني : لا ياستي بقولك ايه.. انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين : يادي اخواتك الي عاملينلك وش في دماغك , يابنتي هنا عادي , الدنيا كلها صحاب في بعض ,
انتي مش كان ليكي صحاب صبيان في المدرسة.
مني : ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي,
وبعدين انا مكنتش برضه معاهم اوي انا مبحبش الجو ده.
شيرين بصوت واطى : انا قلت برضو إنك هتتعبيني.
ثم بصوت عالي : ايه ده كريم وايمو اهم .......هااااااي.
مني بتزعق وهي بتحاول تلحق بشيرين اللى اتجهت ناحية الشابين : انتي رايحة فين؟ مش كنا هنجيب الجدول بتاعي؟.
*******************
قربت البنتين من احمد لان كريم كان خلع , ظبط احمد هدومه زى مابيعمل كل ما يقابل وجه جديد
ضربت شيرين بكفها علي كف احمد وهي بتقوله :
شيرين : ايمووو انت فين ياراجل .
رد عليها ببرود : في الدنيا هكون فين يعني ؟
شيرين : ايه الغلاسة دي وبعدين كريم ماله كده جري.. زي الي عليه فلوس لحد .
احمد : اصله افتكر إن فى واحد صاحبه مستنيه .
شيرين : آآه.
احمد بتسبيل : مش تعرفينا .
شيرين : لا مش هعرفك , مش سكتك خالص على فكرة .
حست مني بالأحراج من الكلام اللى بيدور وحاولت انها ترد بأي شيء فسكتت
طلعت شيرين تليفونها المحمول وطلبت رقماً :
شيرين : أيوه يا واطي ..... جريت ليه اول ما شفتني ........لايا راجل ...
ومدت برجليها بعيد شوية عن احمد ومنى
احمد : انتي بقا فى سنة اولي ؟
احمد بيكلم نفسه*( اكيد والا كنت شفتك) .
منى ردت بخجل : اه
منى بتكلم نفسها * (يوه يا شيرين ما تخلصي بقا).
احمد : معاكي الجدول ولا اجيبهولك .
مني وهى مرتبكة : لا ... ماهي شيرين هتيجي معايا... يعني ..هنشوفه .
احمد : طب استني خليكي هنا.
وانطلق زى الصاروخ وسابها فى مكانها ,في نفس الوقت اللى خلصت فيه شيرين المكالمة
شيرين :الله ؟ فين الواطي التاني؟
منى : معرفش , قالي استني وجري , تعالي نمشي.
شيرين : هوقال راجع ولا قال ايه؟
منى : مقالش حاجة يلا نمشي بقا
شيرين : لا استني.. اهه, ماله بيجري كده ليه ؟
وصل احمد وهو بينهج ومد ايده بورقة لمني
احمد : اتفضلي يا ستي , جدول سنة اولي.
خطفت شيرين الورقة من ايده وهي بتشد ايد منى بعيد
شيرين : متشكرين يا سيدي , بس ريح نفسك , قلتلك مش سكتك .
اعترض طريقهم قبل مايمشوا
احمد : ايه ايه , رايحين فين ؟
شيرين : انت مش جبت الجدول , يلا باي بقا.. البنت جديدة وهلففها في الكلية.
سابوه واقف وهو بيتابعهم ببصره وبيقولهم
احمد : اجي معاكو.
شيرين بصوت عالى وهي بتجر مني وراها جر
شيرين : لا شكراً.
فضل احمد يتابعهم ببصره وهو بيقول لنفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني بتقول لنفسها وهي بتجرى ورا شيرين , الي انطلقت وكأن كلب بيجري وراها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]

ميرسى على متبعتكم لى القصة ويارب تعجبكم زى ما عجبتنى
عشان انا فعلا حسيت ان القصة دى حقيقيه وبنقبلها فى حيتنا
وحسيت انى شوفتها فى الواقع وفعلا كانت ايام الجامعه انا شوفت من نوعية القصة دى

[ندعوك للتسجيل في المنتدى أو التعريف بنفسك لمعاينة هذه الصورة]

ميرسى على متبعتكم لى القصه
ميرسى ليك يا محمود انت و هبه



[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

احمد ماشافش البنت مرة تانية وطبعا نسي.. ما الدفعة مليانة بالوجوه الجديدة اللي كان مشغول بالتعرف عليها,
ماهو من أثارات كلية التجارة طبعا ...عدى حوالي اسبوع لغاية ما لمحها ماشية بين بنتين متوجهين للكافيتيريا
وقرب مكانه العتيد جنبها.
******************
ما شغلتش منى بالها باللى حصل فى اليوم ده كتير ولكنها احتفظت بالجدول ,
وشافت احمد كزا مرة بالكلية ماهو مش مبطل لف فى الكلية بيسلم علي اصحابه من كل السنوات الدراسية اللى مر بيها ,
وكانت بتحس بالفضول كل ما بتشوفه... خاصة بعد السلوك الغريب اللى انتاب شيرين لما حاول يتعرف عليها .
وأهو واقف فى مكانه المعهود ... لا ارجوكم ماتخلوناش نعدى جنبه ... ييييه شافني ,ياتري هيعمل إيه ؟,
هل هيودى وشه بعيد ... يا ربي ده بيبتسم.
******************
ابتسم احمد لما قربت البنات منه... وهن مستغرقات في الكلام... إلا مني اللي اتعلقت عينيها بعينيه
, فابتسم لها , طلت من بين شفايفها ابتسامة مترددة ..
فانتبهت صاحبتها ان مني مش بتسمعها فالتفتت تشوف بتبتسم لمين
فقالت سارة : ايمو ازيك؟
احمد وهو مش فاكر اسم البنت اللي بتسلم عليه ولكن ما باينش عليه حاجة
احمد : الحمد لله , ازيك انتي ؟
سارة : كويسة .
بص لمني مباشرة في عينيها وقالها :
احمد : ازيك؟.
تمتمت مني بكلام مش مفهوم معناه الحمد لله
فقالت سارة : ايه دا... انتو تعرفو بعض؟
قالت منى : آآه ..... بينما قال احمد : لا
فتورد وجهها احمرار .....ً بسرعة احمد قال : قصدي اتعرفنا علي بعض بس مانعرفش اسامي بعض
سارة : بسيطة ... احمد امام ..... منى ممدوح.
مد احمد يده عشان يسلم عليها وهو بيقول لنفسه *( ايوه كده تمام)
احمد : فرصة سعيدة.
مدت مني يدها بتردد وهى بتقول لنفسها* (أنا مبحبش الي بيسلمو بالايد)
مني : شكراً.
ضغط احمد كفه برفق وبسرعة على صوابعها اللي بالكاد لمست ايده وتركها سريعا
كأنه ما ضغطش عليهم وده خلى وشها يحمر شوية
احمد قال لنفسه*( اول مرة بنت تحمر عشان سلمت عليا)
منى قالت لنفسها*( ايه الواد ده )
*****************
بعد اليوم ده بأيام شاف أحمد منى , ماشافهاش صدفة طبعا , ده كان مستنيها عند المدرج ,
ولما قرب موعد انتهاء محاضرتها , وهو كان ملاحظ إنها من هواة حضور المحاضرات,
ما استناش كتير وهو واقف مع "شلة" من اصحابه في سنة ثانية بالكلية... لاحظ نزول الطلبة وبينهم مني,
ما اتحركش ناحيتها , لكن وقف في مكان يشوفه كل النازلين من المدرج , واثق انها هتشوفه فيه.
منى شافت أحمد أول ما نزلت من المدرج لقيته اودامها واقف يضحك ويهزر بصوت عالى مع اصحابه ,
اتعلقت عينيها بيه بينما قالت سارة : الواد دا زي العسل انا من يوم ماعرفته مبطلتش ضحك.
قالت بنت تانية معاهم اسمها ميرنا : مين؟ ايمو؟ , دا زي القمر انا كنت هموت عليه في أول أسبوع
بس قالولي مالوش في السن الصغير.
سارة : انتي متعرفيش.. اصله كبير عننا.. اصلا دا بقاله ميت سنة بيسقط ...تقدرى تقولي يمكن دلوقتى عنده 22 ,23 سنة.
ميرنا : تعالي تعالي نسلم عليه.
وسابو منى واتجهو ناحية أحمد , وهي زى المصدومة وراهم , الي هما رايحين فين , لا , انا همشى
التفتت ليها سارة وهى ملاحظة تجمدها في مكانها
سارة : فيه ايه يا بنتي متنحة ليه ؟ اتحركي.
مني : بصي يا سارة روحو انتو وانا هطلب الاوردر في الكافيتريا وانت تبقو تحصلوني اوكاي.
سارة : طيب مش هنتأخر.
واتوجهوا ناحيته ومنى سامعة صوتهم وهى ماشية : ايمو , ازيك .
منى بتقول لنفسها *( انا ماليش دعوة..هما عايزين يقفو معاه هما حرين انا ماليش في الناس الي بتسقط).
وقف أحمد مراقب منى والحديث الذي يدور بين البنات من بعيد , باين كده إن الكلام عليه
فتعمد يعلى صوته بالضحك والهزار , كويس ,أهم البنات بيقربوا ...
إيه ده ؟ هى منى مالها اتسمرت ليه؟ إيه اللى بيحصل ده؟.... لا لا لا هي رايحة فين ؟
يا الله , دى مشيت ,غلى الدم في عروقه , لقد قربت منه بنتين مش فاكر اسمهم حتى , إيه الحظ ده؟.
أحمد بيقول لنفسه *(ماشي يا مني بتحلقيلي أنا هوريكي , مش أنا اللي يتعمل معاه كدة).

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]


ما غمضش لأحمد جفن من ساعة اليوم ده , اولا هو ما حاولش اغواء بنت قبل كده ,
على الاقل من كام سنة ... هو "سمعته سابقاه" في كل مكان,
ومن فترة ماكنش يصعب عليه الحصول على أى بنت ... وجعه غروره ,
مع ان في الحقيقة ماحصلش حاجة تحرجه أو تزعله
لأن مفيش حاجة حصلت اصلا على الاطلاق , لكن هو الوحيد اللى عارف نيته ومراده ,
وجرح الموضوع ده كرامته اودام نفسه ... فحلف إنه يصلح مظهره اودام نفسه على الاقل.
شافها كانت قاعدة لوحدها ... فرصة ذهبية , قرب بخفة وقعد جنبها على الكرسي ,
رفعت عينيها عن تليفونها المحمول الذي كانت بتلعب به.
******************
قعدت منى تستنى صاحباتها علي كرسى بالكلية... الكلية ماكانتش زحمة يومها ولا كان عندها محاضرات اصلاً
حست بشخص قاعد على كرسى مش بعيد منها .. فرفعت عينيها عن تليفونها... لقيته أحمد , ارتعشت , إيه اللى جابه ده دلوقتى ,
رسمت ابتسامة سريعة علي شفايفها .
******************
أحمد : منى , ازيك؟
منى : الحمد لله.
احمد : قاعدة لوحدك ليه ؟
منى : عادي. منى بتقول لنفسها *( قاعد انت جمبي ليه؟)
أحمد بيقول لنفسه *( انتي هتردي على كل سؤال بالعافية.)... أحمد : اومال صوحابك فين؟
منى : لسه مجوش.
أحمد : طب ما تيجي تقعدي معانا لحد ما ييجو.
مني : لا معلش هستناهم هنا عشان يلاقوني.
أحمد بيقول لنفسه * (ايه البت الرخمة دي؟).... أحمد : طب هقعد انا معاكي لغاية ماييجو.
منى بتقول لنفسها *( ييييه ياريتني قلتله ماشي.).... منى : مابتشوفش شيري .
أحمد انبسطت اساريره لفتحها موضوع للتحاور
أحمد : لا والله من ساعة ما شفتها معاكي وهي مطنشاني , هي قريبتك؟
منى : آآه من بعيد , هي طيبة اوي .
أحمد : فعلاً , هي بنت جدعة .
ساد صمت محرج شوية
أحمد بيقول لنفسه* (فكر ياواد يا ايمو متقعدش ساكت كده ).
ومنى بتقول لنفسها* (ايه يا مني ؟ انتي خرسا ليه؟ عمرك ماكنتي رخمة كده ,فكي شوية).... مني: انا شفتها النهاردة .
أحمد : هي مين دي؟
مني : شيري .
أحمد : آه فين؟
مني : لمحتها عند البوابة الصبح.
أحمد لمعت عينيه , وجتله فكرة فى دماغه
أحمد : لما تشوفيها تاني قوليلها اني عايزها ضروري , ولا اقولك رني عليا وانا اجي اقفشها.
منى فهمت قصده وحاولت تتهرب منه
مني : آآه حاضر... إن شاء الله
أحمد بيقول لنفسه*( ايه ده , هي هتصيع عليا)....فقال مباشرة: انتي معاكي نمرتي.
شعرت مني بالقلق فهزت رأسها بالنفى ً... وبكل بساطة مقصودة طبعا مسك تليفونها من بين ايديها
وسجل نمرته ورن على تلفونه وقال لها في " استعباط " تام : أول ماتشوفيها رنيلي ,
انا همشي دلوقتي ماشي .
ومشى وسابها وهي بتغلى من شدة الغضب من اللى عمله
أحمد بيقول لنفسه*( قشطة كدة).
ومنى بتقول لنفسها*( ايه الواد البجح دا).

(الحلقه الرابعه)
كريم : مالك يا ابني..سيب الموبايل مش هتتصل.
أحمد : هي مين دي الي مش هتتصل.
كريم : هاها هاهاي الي انت مستنيها.
أحمد :أنا مش مستني حد يتصل .. وبعدين مين قال إنها مش هتتصل ؟
كريم : أهو يعني فيه حد هيتصل.
أحمد : وانت مالك أصلا ياغلس .
*****************
منى : شيري .... شيري ..
شيرين : مينوووو .
جت شيرين وباست منى علي خديها
شيرين : انتي فين يا كلبة.
منى : انتي اللي مبتسأليش .
وبعد ما قربوا على نهاية كلامهم قالت منى : آآه على فكرة , أحمد امام عايزك ضروري .
شيرين : ودا عايز ايه دا كمان ضروري كده .
*****************
شيرين : إنت ياواد إنت.
أحمد: بنت يا شيرين , ازيك انتي فين؟
شيرين : كنت مسافرة , إيه اخبارك ؟ عايزني في إيه؟
أحمد : أنا عايزك ؟
شيرين : إنت مش قلت لمني تبلغني إنك عايزني ضروري .
أحمد : لا أنا ....... أهههه.... لا ولا تحطي في دماغك.
شيرين : ايمو .... جري ايه , انت هتعط من ورايا؟
أحمد : ههه.. لا يا بنتي مفيش حاجة.
شيرين : أحمد يا امام انا بتكلم بجد إبعد عن مني دي بنت ناس.
أحمد: منى ايه وعيال ايه يا بنتي إنتي , وبعدين ايه يعني بنت ناس هو انا الي كنت اعرفهم كانو ولاد ايه.
شيرين : لا دي مؤدبة ومش حملك لو فيه حاجه في دماغك ياريت تطلعها لو سمحت.
احمد : يا بنتي بجد مفيش حاجة.
شيرين : ليه هو انا مش عرفاك , ايه مالك؟ ايه الي هيموتك عليها كده , انها مؤدبة... وحياة ابوك تخليهالي كده دي امانة.
احمد : يعني ما هو انا لو ماستلمتهاش هيستلمها غيري , هي داخلة كلية شرعي؟؟.
شيرين : ايمو ... عشان متخسرنيش , شوفلك حدوتة تانية اليومين دول.
احمد : انا اقدر ارفضلك طلب ياقمر.
******************
سارة : مين دا يا بنتي الي اداكي نمرته... انتي بتهزري, دا واد تنك جدا وما افتكرش انه هيديكي رقمه.
منى : والله العظيم اخد موبايلي من ايدي كده بالظبط وكتب نمرته , اتصلك بيه يعني عشان تتأكدي.
سارة : اكيد عشان كان عايز شيرين في حاجة , وعشان كده بس عمل كده.
منى : يا بنتي كان باين اوي انها حجة, انا مش هبلة.
سارة : طب وانتي عملتي ايه بالنمرة؟
منى : مسحتها اول ما مشي .
سارة : يخرب عقلك انتي اتجننتي .
منى : يعني كنتي عايزاني اعمل ايه يعني؟
سارة : معرفش بس مكنتيش تعملي كده .
سكتت مني شوية وبعدين قالت : بس انا حفظت النمرة قبل ما امسحها
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ